Kultuur


SENIOR KOOR
Die Seniorkoor bestaan jaarliks uit 85 tot 100 kinders van gr. 4 tot 7 leerlinge.
Ons hoofdoel is om vir elke koorkind ‘n musikale ervaring te gee, liefde vir musiek en koorsang te ontwikkel, hom of haar as mens te ontwikkel deur selfbeheersing, selfdissipline en eie waarde asook sy of haar talente te ontwikkel. In die koor werk ons nie net hard nie, maar het baie pret. Tema-aande, uitstappies, boemelaarskamp by die skool en natuurlik van tyd tot tyd ‘n toer, is deel van die koorjaar. Ons was al twee keer die uitnodigingskoor na Music in the Mountainfees van die Drakensbergse Seunskoor. Ons het ook al twee keer Kaap toe getoer. Prestasies is ‘n beloning op harde werk en nie vir ons die Alfa en die Omega nie. Kompetisies waaraan ons deelneem is onder andere Super 12 koorkompetisie en die ATKV Applous. Ons was al algehele Nasionale wenner en vier keer by die finaal van ATKV. Super 12 het ons reeds verskeie jare Cum Laude verwerf. Ons was Nasionale naaswenner by Sing in Harmonie van Kyknet. Koofeeste en informele optredes is heerlik en feeste saam met verskeie kunstenaars, ‘n groot bonus. Ons Koor is soos ‘n tweede familie waar ons lewenslange vriendskappe smee.
Koor 2
Super 12 constantiapark seniors
Koor 3
JUNIOR KOOR
Die Juniorkoor bestaan uit ongeveer 80 leerlinge van gr. 1 tot 3. Oudisies word gehou om koorlede te keur. Liefde vir sang word as hoë prioriteit gestel. Ons koor spog met verskeie prestasies onder meer: Pretoria Eisteddfod: A++, Trofeewenner as die Beste Juniorkoor, Super 12 Kore: Cum Laude-toekennings, ATKV Applous: Beste Juniorkoor op Streeksvlak, Applous: 2e op die “Top Tien” landswyd en “Sing in Harmonie”, kykNET-kompetisie: 2015 Nasionale wenners.
Jnr Koor 1
Jnr Koor 3
Jnr Koor 2
MINI-POPPIES
Cp-Poppies bestaan uit ongeveer 50 skattige dogtertjies vanaf gr. R tot gr. 2. Hul oefen twee keer per week. Dit bevorder dogters se groot-motoriese-, ritmiese-, asook middelkruisingvaardighede. Ons Poppies is baie gewild en tree in pragtige kostuums by kerkbazaars, winkelsentrums en byeenkonste by ons skool op.
Poppies 1
Poppies 2
Poppies 3
REDENAARS
Leerlinge word van gr. R af in die sprekerskuns onderrig sodat hul met selfvertroue op hul voete kan dink en hul sê kan sê. Daar is jaarliks ongeveer 200 leerlinge wat aan redenaars deelneem aan verskeie kompetisies en geleenthede, soos byvoorbeeld interne graaduitdunne, die Super 12 kompetisie, ATKV-kompetisies, Oppie-tong-af kompetisie, Kans!Vatterskompetisie, Radikale Redenaarskompetisie, die Abe Bailey Tweetaligheidskompetisie en The Woodhill Project vir die graad sesse. Daar word indiwidueel en in spanne opgetree en ook op distriks-, provinsiale en nasionale vlak deelgeneem.
Redenaars 1
Redenaars 2015
Redenaars 2
REVUE
Laerskool Constantiapark lê op massadeelname klem wanneer ons ‘n revue op die planke bring. Die hele skool van gr. R to gr. 7 neem deel aan die skouspel wat op die rugbyveld aangebied word.
Revue 1
Revue 2
Revue 3
VOORTREKKERS
Die Voortrekkers is ‘n kultuurbeweging wat die moderne Afrikaner, in besonder sy jeug, bemagtig om as positiewe Burgers en konsekwente Christene suksesvol te wees in hul roeping tot diens. Wapadrand Voortrekker Kommando is die tuiste van ons Vories. Oorhoofs is ons besig om Die Voortrekkers se visie, naamlik om die voorkeur-aktiwiteit buite skoolverband vir ABC jongmense te wees, na te streef. Met ABC in hierdie konteks verwys ons na Die Voortrekkers se strewe om moderne Afrikaners, positiewe Burgers and konsekwente Christene voor te berei en op te lei vir hulle lewens as volwassenes.
Voortrekkers 1
Voortrekkers 2
Voortrekkers 3
KUNSWEDSTRYDE
CP neem jaarliks aan verskeie kunswedstryde deel. Ons is al verskeie kere as trofeewenners aangewys as die skool met die beste prestasies.
kuns-1
kuns-2
kuns-3
FOTOGRAFIE
In samewerking met PSSA neem die kinders aan kursusse, kompetisies en uitstappies deel. Ons klubaande vind een keer ‘n maand op ‘n Woensdag in die skoolsaal plaas. Tydens die foto-aande beoordeel ‘n PSSA fotograaf alle foto’s. Ons fotograwe neem ook deel aan die jaarlikse Pretoria Eisteddfod en Centurion kunstefees. Foto’s wat klublede inskryf word na afloop van klubaande opgelaai na Pretoria Primary & High School Photographers op Facebook waar foto’s besigtig kan word.
Michelle van Wyk
Kaitlin - Op die Brug
Duan  Werner
0
Kultuur
0
Boeke in die biblioteek
0
Leerlinge
0
Personeel