Verryking


ALGEMENE KENNIS (FLINKDINK)
Al die senior leerlinge neem reeds in die eerste en tweede kwartale deel aan weeklikse skriftelike toetse om bewustheid te kweek en ‘n liefde vir algemene kennis te ontwikkel. Aan die einde van die tweede kwartaal kompeteer die klasse in ‘n graad teen mekaar in spanne, en in die derde kwartaal neem ‘n gekose gr. 7 span aan die Super 12 kompetisie deel.
BYBELKENNIS
Aangesien die skool ‘n Super 12 skool is, word ook op daardie vlak aan die Bybelkennis deelgeneem. Hierdie kompetisie vind jaarliks in Augustus plaas. Daar word ook aan twee kompetisies wat deur die Rapportryers aangebied word deelgeneem.
CP-AKADEMIE
Hierdie aktiwiteit het ten doel om leerlinge van gr. 4 tot 7 se belangstelling in verskeie onderwerpe te prikkel. Kundige dosente verruim leerlinge se denke in 16 modules wat onder meer sterrekunde, etiek, omgewingskunde en emosionele intelligensie insluit.
ROBOTIKA
Junior FIRST LEGO League (Jr.FLL) is ‘n program wat fokus op kinders 6 tot 9 jaar. ‘n Tema word gebruik vir navorsing, kritiese denke en verbeelding. Onder leiding van ‘n afrigter en die Jr.FLL Kernwaardes, ontwerp die kinders ‘n plakkaat en werk hulle met LEGO elemente om ‘n model met bewegende dele te bou. Hul werk word uitgestal by die provinsiale FLL kompetisie.

FIRST LEGO League (FLL) is ‘n program wat fokus op kinders van 9 tot 16-jaar om hulle bloot te stel aan wetenskap en tegnologie.

Provinsiale FLL kompetisies, asook ‘n nasionale kompetisie word gehou waar spanne meeding om ten einde as die kampioene vir die seisoen aangewys te word. Die wenspan word na die wêreld-kampioenskappe in Amerika uitgenooi.

0
Sport
0
Boeke in die biblioteek
0
Leerlinge
0
Personeel